Charter Document - 00910351
| Charter Number: | 00910351 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1264 - 1268 |
| Date type: | Assigned |
| Resource Link(s): |
Bodleian Library - Christ Church MS 341 (f82r) |
Charter:
Uniuersis sancte matris ecclesie filiis presens scriptum uisuris uel audituris Alexander dei gracia abbas Egnesham et eiusdem loci conuentus salutem in domino Noueritis nos dedisse [concessisse et hac presenti carta nostra confirmasse] Willelmo Payn de Gretthone pro homagio et seruicio suo unum mesuagium ad caput uille de Gretthone quod continet in longitudine decem rodas et octo pedes et in latitudine tres decem rodas et quatuor pedes et iacet inter terram Willelmi de Bordeley et terram Henrici Tesse et abuttat ad unum caput super uiam regiam tenendum et habendum de nobis et successoribus nostris sibi et heredibus suis libere et quiete bene et in pace iure hereditario in perpetuum reddendo inde annuatim nobis et successoribus nostris tres solidos ad quattuor anni terminos uidelicet ad festum sancti Thome apostoli novem denarios ad Pascha novem denarios ad festum sancti Iohannis Baptiste novem denarios et ad festum sancti Michaelis novem denarios faciendo inde duas sectas curie nostre de Hystona per annum scilicet ad proximam curiam post festum Michaelis et ad proximam curiam post Pascha Et nos [et successores nostri warantizabimus acquietabimus et defendemus totum mesuagium predictum cum pertinentiis contra omnes homines in perpetuum per predictum seruicium] saluo seruicio domini regis quantum pertinet ad tantum tenementum Pro hac autem donacione [concessione warantizacione et carte nostre confirmacione] dedit nobis predictus Willelmus dimidiam marcam in gersummam Et ut [hec nostra donacio concessio et warantizacio rata et stabilis permaneat sigilla nostra apposuimus his testibus] []