Charter Document - 00910350
| Charter Number: | 00910350 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Lay |
| Charter Type(s): | Court Record |
| Date: | 1230 |
| Date type: | Assigned |
| Resource Link(s): |
Bodleian Library - Christ Church MS 341 (f81v) |
Charter:
Rex uicecomiti Oxon salutem Ostenderunt nobis homines nostri de Haneberga grauiter conquerentes quod abbas Egneshamie in preiudicium iuris nostri et in graue dampnum predictorum hominum stangnum molendinorum suorum de Egnesham iniuste et sine iudicio exaltauit ad nocumentum prati nostri alias nobis et eis grauis et iniuriosus existens ex eo quod non permittit eos habere communam suam pasture in terra ipsius abbatis in Egnesham nec porkerias suas in bosco ipsius abbatis leuare et feugeras in eo capere sicut temporibus predecessorum nostrorum regum Anglie et tempore nostro usque ad tempus abbatis qui nunc est facere consueuerunt Et ideo tibi precipimus quod assumptis tecum probis et legalibus hominibus de comitatu tuo de uicinioribus scilicet et aliis qui melius inde sciant ueritatem uocato etiam ad hoc predicto abbate in presencia sua per sacramentum predictorum hominum diligenter inquiras utrum ipse abbas stagnum suum exaltauerit sicut predictum est et si predicti homines nostri debeant et consueuerunt habere communam in terra ipsius abbatis in Egnesham et porkerias in bosco suo leuare et fugeram in eo capere Et si per inquisicionem illam tibi constiterit quod ipse abbas stagnum suum ita exaltauerit et quod predicti homines nostri in terra sua et bosco ipsius abbatis habere debeant et consueuerint hec predicta tunc per sacramentum eorundem stagnum predictum amensurari facias sicut esse debet et consueuit faciens similiter eosdem homines nostros omnia supradicta habere in terra et bosco ipsius abbatis sicut habere debent et consueuerunt Teste []