Charter Document - 00910349
| Charter Number: | 00910349 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1230 |
| Date type: | Internal, Calendar, Papal |
| Resource Link(s): |
Bodleian Library - Christ Church MS 341 (f81v) |
Charter:
Gregorius episcopus seruus seruorum dei dilecto filio abbati sancte Genouefe Par[isiis] salutem et apostolicam benedictionem Significarunt nobis dilecti filii abbas et conuentus Westm[onasterii] ad nos nullo medio pertinentes quod Iacobus et Iohannes ciues Rom[ani] nuper super quibusdam debitis contractis tempore felicis recordationis Alexandri pape predecessoris nostri a quibusdam monachis fugitiuis ipsius monasterii preter assensum abbatis et conuentus tunc existencium in eodem nostras ad te obtinuerunt Iiteras destinari Cum autem ipsi a te citati ibi uenire uel mittere sine graui detrimento non possint et Pari[siensis] ciuitas ad quam uocantur ad iudicium distet a Londoniis ubi monasterium consistit eorum per septem dietas et amplius cum mare interiacens quandoque impediat transeuntes ad nos cum litteris karissimi filii nostri illustris regis Anglie pro eis affectuose rogantis suum nuncium destinauerunt humiliter postulantes ut cum parati sint in regno Anglie ubi dicti Romani uoluerint stare iuri obuiare ipsorum super hoc grauamini misericorditer dignaremur Quia uero sic uolumus iusticiam exiberi petentibus ut qui conueniuntur ab eis indebite non grauentur et intencionis nostre non fuit ut occasione illius clausule non obstante constitutione de duabus dietis de regno Anglie in Galliam Anglici pertrahantur discrecioni tue per apostolica scripta mandamus quatinus commisso tibi super hoc negocio supersedeas et reuoces si dictos abbatem et conuentum ex hoc reputans contumaces contra ipsos in aliquo forsitan processisti Datum Laterani vii kal Aprilis pontificatus nostri anno quarto