Charter Document - 00910338
| Charter Number: | 00910338 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1264 - 1268 |
| Date type: | Assigned |
| Resource Link(s): |
Bodleian Library - Christ Church MS 341 (f79v) |
Charter:
Sciant presentes et futuri quod ego Willelmus de Submuro filius Ricardi de Submuro de Egnesham dedi concessi reddidi remisi et quietum clamaui et presenti carta mea confirmaui pro me et heredibus meis domino Alexandro abbati et conuentui ecclesie sancte Marie de Egnesham in liberam puram et perpetuam elemosinam totam terram meam et omnes redditus cum omnibus pertinentiis suis quam de eis uel quibuscunque aliis tenui in uilla et campis de Egnesham et Sutthun et Leye et totum ius et clamium quod habui uel habere potui in tota predicta terra cum omnibus pertinentiis suis et quibuscunque eschaet[is] predictis abbati et conuentui et eorum successoribus in perpetuum dedi concessi ac resignaui ita quod nec ego Willelmus nec heredes mei seu aliquis nomine nostro aliquod ius uel clamium in tota predicta terra cum omnibus pertinentiis suis uel supradictis eschaetis de cetera habere poterimus excepta domo mea uersus Tilgarsle in qua habitare consueui cum curtillagio et crofta et quadam acra ibi iacente quam michi et heredibus meis reseruaui et excepta quadam domo in Huthende cum gardino et curtillagio in qua mater mea habitat quam michi ad uitam meam si matrem meam super uixero retinui post cuius obitum dicta domus cum gardino et curtillagio ad dictos abbatem et conuentum sine aliqua contradiccione uel reclamatione heredum meorum uel aliquorum eorum nomine reuertetur pro quibus dom[ibus] quamdiu mater mea uixerit predictis abbati et conuentui tres solidos persoluam ad quatuor anni terminos uidelicet ad festum sancti Thome apostoli novem denarios et ad Annunciacionem beate Marie novem denarios et ad festum beati Iohannis Baptiste novem denarios et ad festum sancti Michaelis novem denarios post obitum autem matris mee ego Willelmus et heredes mei de duodecim denarios annuatim reddendis pro domo et crofta et acra predicta abbati et conuentui respondeb[imus] dictis terminis habendas et tenendas dictis abbati et conuentui et eorum successoribus libere et quiete bene et in pace et solute ab omni seruicio seculari sectis querelis et demandis et omnibus exaccionibus ad dictam terram seu ad me uel heredes meos pertinentiis saluis reditibus inde debitis ab antiquo et consuetis scilicet priori tres solidis et decem denarios Dominica Palmarum et ad luminare ante altare sancti Andree duas denarios die Pasche et ad luminare ante crucem in capella sancti Leonardi unam denario die sancti Martini [et] Ade filio Willelmi obolum die Pasche quos redditus dicti abbas et conuentus acquietabunt Ego uero [dictus Willelmus et heredes mei dictis abbati et conuentui et eorum successoribus dictam terram cum omnibus pertinentiis suis ut supradictum est contra omnes homines et feminas in perpetuum warantizabimus acquietabimus et defendemus] Pro hac autem donacione [concessione reddicione remissione et quieta clamacione et presentis carte mee confirmacione] dederunt michi predicti abbas et conuentus quandam liberacionem ad uitam meam prout in chyrographo inde confecto continetur Et ut [hec mea donacio concessio reddicio remissio et quieta clamacio et presentis carte mee confirmacio rata et inconcussa permaneant in perpetuum huic scripto sigillum meum apposui his testibus] []