Charter Document - 00910337
| Charter Number: | 00910337 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1264 - 1268 |
| Date type: | Assigned |
| Resource Link(s): |
Bodleian Library - Christ Church MS 341 (f79v) |
Charter:
Omnibus Christi fidelibus ad quos presens scriptum peruenerit Alexander dei gracia abbas Egneshamie et eiusdem loci conuentus salutem in domino Nouerit uniuersitas uestra nos dedisse [concessisse et hac presenti carta nostra confirmasse] Willelmo de La Barre de Stoke et heredibus suis totum illud mesuagium in uilla de Stoke quod Iohannes Iustise aliquando de nobis tenuit cum crofta et parraco adiacentibus duas acras continentibus et omnibus aliis pertinentiis suis que quidem iacent inter terram Willelmi Passelewe et terram Willelmi Seleth una cum quadam particula terre que fuit Willelmi Seleth et continet quadraginta octo pedes in longitudine et uiginti pedes in latitudine habenda et tenenda de nobis et successoribus nostris sibi et heredibus suis libere et quiete bene et in pace in perpetuum reddendo inde annuatim nobis et successoribus nostris ipse et heredes sui quinque solidos ad quatuor anni terminos scilicet ad festum sancti Michaelis quindecim denarios et ad festum sancti Thome apostoli quindecim denarios et ad festum sancte Marie in Marcio quindecim denarios et ad festum sancti Iohannis Baptiste quindecim denarios pro omnibus seruiciis consuetudinibus et demandis saluis nobis duabus sectis curie per annum scilicet ad festum sancti Michaelis et ad Hokeday et saluo nobis pannagio cum porcos habuerit Nos uero [et successores nostri predictum mesuagium cum crofta et parraco una cum predicta particula terre cum omnibus pertinenciis suis contra omnes homines warantizabimus acquietabimus et defendemus in perpetuum] Pro hac autem donacione [concessione warantizacione et presentis carte nostre confirmacione] dedit nobis predictus Willelmus unam marcam argenti per manibus in gersummam Et ut [hec nostra donacio concessio warantizacio et presentis carte nostre confirmacio perpetue firmitatis robur optineat presenti scripto sigilla nostra apposuimus his testibus] []