Charter Document - 00910334
| Charter Number: | 00910334 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f79r) |
Charter:
Hec est conuencio facta inter dominos abbatem de Radinges ex una parte et abbatem de Egnesham ex altera uidelicet quod cum orta esset contentio inter eos de passagio ad molendinum de Molesford eo scilicet quod predictus abbas de Radinges dicebat illud passagium de iure pertinere ad manerium suum de Chaus[eia] cui abbas de Egneshamia resistebat dicens nullum passagium ibidem esse debere de iure set ex sui gracia aliquo tempore permisit uicinos pratum suum inter aquam et regale iter transire lis inter ipsos in hunc modum conquieuit uidelicet quod compromiserunt se in duodecim liberos sex scilicet ex una parte et sex ex alia eligendos qui tam de passagio quam de itinere uersus passagium si quod ultra predictum pratum de iure esse debeat et etiam de delictis si qua ex alterutra parte uel suis esse commissa inter predictas partes fuerit conpertum ordinabunt Ad quorum autem ordinacionem seu consideracionem fideliter conseruandam partes predicte per presencia scripta in modum cyrographi confecta se obligauerunt ita tamen quod si sex ex una parte electi et sex ex alia in unum consentire non poterunt tunc demum saluum sit ius unicuique conquerendi et uersus alium si necesse fuerit impetrandi In cuius []