Charter Document - 00910330
| Charter Number: | 00910330 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f78r) |
Charter:
Sciant [presentes et futuri] quod ego Willelmus Bompas de Hudikote dedi [concessi et hac presenti carta mea confirmaui] deo et ecclesie beate Marie de Egnesham [et monachis ibidem deo seruientibus in liberam puram et perpetuam elemosinam] unam libram cymini annui redditus de abbate de Wynchecumbe percipiendam quem quidem redditum idem abbas de Wynchecumbe michi debuit et reddere consueuit de una uirgata terre quam de me tenuit in Quentone de feodo dictorum abbatis et conuentus de Egnesham habendum et tenendum predictum redditum de me et heredibus meis predictis abbati et conuentui de Egnesham et eorum successoribus libere et quiete bene et in pace ab omni seculari seruitio ad me uel heredes meos seu quoscunque alios pertinente ut decet liberam puram et perpetuam elemosinam tenere Concessi etiam eisdem et donando confirmaui una cum predicto redditu totum ius domini et clamium et omnimoda seruicia que ad me de predicta terra pertinebant uel ad me seu heredes meos aliquo casu pertinere possent Ego uero dictus Willelmus et heredes mei predictis abbati et conuentui de Egnesham et eorum successoribus predictum redditum cum iure dominii et aliis pertinenciis ut supradictum est in perpetuum warantizabimus [acquietabimus et defendemus] et ut [hec mea donatio et concessionis confirmatio rata et inconcusse permaneant in perpetuum presenti scripto sigillum meum apposui his testibus] []