Charter Document - 00910327
| Charter Number: | 00910327 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f77v) |
Charter:
Omnibus Christi fidelibus presens scriptum uisuris uel audituris Gilbertus dei gracia abbas Egneshamie et eiusdem loci conuentus salutem in domino Noueritis nos dedisse [et concessisse et hac presenti carta confirmasse] Willelmo filio Henrici le Neuman de Witham unam dimidiam uirgatam terre cum mesuagio et prato et omnibus suis pertinenciis in uilla et campis de Witham illam scilicet quam Uincencius de Witham pro salute anime sue et antecessorum suorum nostro contulit monasterio habendam et tenendam dicto Willelmo et heredibus suis de nobis et successoribus nostris libere et quiete bene et in pace reddendo inde annuatim nobis et successoribus nostris ipse et heredes sui sex solidos et octo denarios ad quatuor terminos anni uidelicet ad festum sancti Thome apostoli uiginti denarios et ad festum beate Marie in Marcio uiginti denarios et ad Natiuitatem sancti Iohannis Baptiste uiginti denarios et ad festum sancti Michaelis uiginti denarios pro omnibus seruiciis secularibus sectis curiarum rebus et demandis nobis pertinentibus saluo seruicio domini regis quantum pertinet ad tantam terram de eodem feodo in dicta uilla Nos uero [et successores nostri predictam terram in omnibus pertinenciis suis predicto Willelmo et heredibus suis contra omnes homines mares et feminas pro predicto seruicio warantizabimus in perpetuum] Et propter istam donacionem [concessionem et warantizacionem] dedit nobis dictus Willelmus octo marcas in gersumma Et ut [hec omnia predicta rata et inconcussa permaneant in perpetuum presenti carte sigilla nostra apposuimus] Hiis testibus domino Rogero de Witham milite domino Willelmo de Seuecwrthe et multis aliis