Charter Document - 00910326
| Charter Number: | 00910326 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f77r) |
Charter:
Sciant presentes et futuri quod ego Willelmus Bigge filius Bernardi Bigge de Impyton concessi dedi et pro me et heredibus meis omnino ac [in] perpetuum quietam clamaui abbati Egneshamie et monachis ibidem deo seruientibus in puram et perpetuam elemosinam pro salute anime mee et animabus antecessorum meorum unam acram terre mee in campo de Histona que est de feodo eorundem de qua dimidia acra iacet apud Westwicpath inter terras quas Willelmus filius Iohannis filii Petri et Rogerus Horold tenent de dictis abbate et monachis et dimidia acra iacet apud Tihylmereweye inter terras quas Thurstanus filius Iohannis filii Petri et Ricardus filius Martini tenent de eisdem habendam et tenendam dictam acram terre cum pertinenciis dictis abbati et monachis et eorum successoribus libere quiete bene et in pace in perpetuum tanquam puram et perpetuam elemosinam perpetuis temporibus duraturam ita tamen quod ego Willelmus et heredes mei plenarie et sine aliqua diminucione soluemus dictis abbati et monachis totum annuum redditum quod tenementum meum quod est de eorundem feodo quando fuit integrum eis debuit et debere consueuit non obstante concessione uel donacione seu elemosine mee quieta presenti clamacione Et ut [] hiis testibus domino Philippo de Insula milite Philippo de Coleuille et multis aliis