Charter Document - 00910324
| Charter Number: | 00910324 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f76v) |
Charter:
Sciant presentes et futuri quod ego Helena filia et heres Constantini Salsarii reddidi remisi et quietam clamaui penitus pro me et heredibus meis domino Gilberto abbati et conuentui ecclesie sancte Marie de Egnesham totam terram meam cum omnibus pertinenciis suis sine aliquo retene mento quam predictus Constantinus pater meus de eis quondam tenuit in uilla et campis de Egnesham et totum ius et clamium quod iure hereditario in eadem habui uel habere potui cum omnibus pertinenciis suis predictis abbati et conuentui et eorum successoribus in perpetuum resignaui ita quod nec ego Elena neque aliquis heredum meorum aliquod ius uel clamium in tota predicta terra cum suis omnibus pertinentiis de cetero habere poterimus Pro hac autem reddicione remissione et quieta clamacione dederunt michi dicti abbas et conuentus de Egnesham quinque marcas argenti per manibus in gersummam Ego autem [predicta Helena et heredes mei totam predictam terram cum omnibus suis vbique pertinenciis predictis abbati et conuentui contra omnes gentes warantizabimus acquietabimus et defendemus in perpetuum] Et ut [hec mea reddicio remissio et quieta clamacio rate et stabiles in perpetuum permaneant huic scripto sigillum meum apposui] hiis testibus domino Willelmo de Harecurt milite Iohanne Haneb Augustino tunc uicario et multis aliis