Charter Document - 00910321
| Charter Number: | 00910321 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1258 - 1263 |
| Date type: | Assigned |
| Resource Link(s): |
Reference Document for this Embedded Document Bodleian Library - Christ Church MS 341 (f75r) |
Charter:
Omnibus Christi fidelibus ad quos presens scriptum peruenerit Gilbertus dei gracia abbas Egnesham et eiusdem loci conuentus salutem in domino sempiternam Nouerit uniuersitas uestra nos concessisse ad firmam magistro Robertus de Mariscis decano Lincolniensis ecclesie habenti prebendam de Eylisbiri contemplacione beneficiorum per eum obtentorum omnes decimas nostras quas habemus in parochia de Midiltone ex collacione episcoporum Lincolniensium et capituli Lincolniensis confirmacione quamdiu habuerit prebendam de Eylisbiri reddendo inde nobis annuatim duas marcas et dimidiam ad duos terminos scilicet infra octavas sancti Petri ad Uincula sex decem solidos et octo denarios et infra octavas sancti Michaelis proximo sequentis sex decem solidos et octo denarios ita uidelicet quod dicte decime per seruientes dictorum abbatis et conuentus per uisum seruientis dicti magistri Robertus colligantur in horreo dictorum abbatis et conuentus apud Midiltonam et absque diminucione in eo reponantur Et si seruientes dictorum abbatis et conuentus in colligendo dictas decimas debitis horis et temporibus et reponendo in dicto horreo fuerint negligentes uel in mora id faciendi omnia dampna que exinde dicto magistro Robertus acciderint eidem de plano et sine strepitu iudiciali ad ipsius requisicionem plenaria resarciamus Quibus collectis et sic repositis postquam solute fuerint dicte due marce et dimidia aut ultimo termino soluere fuerit paratus concessimus quod dictus magister Robertus habeat ingressum liberum per nostrum seruientem qui dictas decimas colliget in dictum horreum et liberam habebit administracionem decimarum predictarum de anno in annum nomine firme quamdiu dictam prebendam Eylisbirie tenuerit Et per nos factum fuerit quominus libere possit dictas decimas in utilitatem suam conuertere licebit ei uel suo procuratori dicta horrea propria auctoritate aperire et decimarum ibidem repositorum pro uoluntate sua nobis irrequisitus habere administracionem Concessimus autem predictas decimas predicto Robertus ea condicione quod nullum per hoc nobis generetur preiudicium quoad possessionem uel proprietatem dictarum decimarum postquam dictus Robertus desierit esse canonicus prebende memorate In cuius [rei testimonium] []