Charter Document - 00910316
| Charter Number: | 00910316 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f73v) |
Charter:
Uniuersis Christi fidelibus hoc presens scriptum uisuris uel audituris Gilbertus dei gracia abbas Eygneshamie et eiusdem loci conuentus salutem in domino Nouerit uniuersitas uestra nos concessisse et presenti carta nostra confirmasse Amicie relicte Thome de Lardario de Egnesham omnia mesuagia terras et tenementa cum pertinentiis que idem Thomas de nobis tenuit in Eygnesham tenenda et habenda de nobis et successoribus nostris eidem Amicie quamdiu uixerit libere et quiete bene et in pace faciendo nobis seruicia inde debita et consueta uidelicet duos solidos annuos de mesuag[io] et croft[a] que de nobis tenuit ad quatuor anni terminos et tres bederipas cum uno homine unam scilicet sine cibo et duas ad cibum nostrum et sectam curie nostre bis in anno scilicet ad festum sancti Michaelis et ad Hokeday et dimidiam libram cymini de dimidio manso cum crofta quod fuit quondam Ernaldi Frankelani et duos denarios priori domus nostre annuatim ad festum sancti Michaelis de duabus acris terre que fuerunt Willelmi filii Henrici pro omnibus seruiciis consuetudinibus et exaccionibus nobis pertinentibus ita scilicet quod post decessum dicte Amicie predicta mesuagia terras et tenementa cum pertinenciis ad nos sine alicuius contradiccione in pace reuertantur Et in [] hiis testibus []