Charter Document - 00910309
| Charter Number: | 00910309 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f72r) |
Charter:
Notum sit omnibus Christi fidelibus ad quos presens scriptum peruenerit quod ego Gilbertus dei gracia abbas Egneshamie et eiusdem loci conuentus dedimus et concessimus Nicholao Scissori de Seuewelle pro homagio et seruicio suo unam dimidiam uirgatam terre in Seuewelle que est de feodo Henrici de Oyli illam scilicet quam Ysabella filia Willelmi de Storton tenuit cum omnibus pertinenciis suis et libertatibus suis in pratis in pascuis in pasturis in uiis in semitis et in omnibus aliis libertatibus tenendam de nobis et successoribus nostris sibi et heredibus suis libere et quiete ab omni seruicio consuetudine ad nos et successores nostros pertinente saluo releuio reddendo nobis annuatim ad duos terminos anni uiginti septem denarios uidelicet ad Annunciacionem domini tres decem denarios et obolum et ad festum sancti Michaelis tres decem denarios et obolum Et ego predictus abbas [et eiusdem loci conuentus predictam terram cum omnibus pertinentiis predicto Nicholao et heredibus suis contra omnes homines et feminas warantizabimus] et ut [hec omnia prescripta firma et stabilia in perpetuum permaneant huic presenti scripto sigilla nostra apposuimus] hiis testibus []