Charter Document - 00910305
| Charter Number: | 00910305 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f71v) |
Charter:
Sciant presentes et futuri quod ego Walterus de Wayhulle filius Symonis de Wayhulle concessi et hac presenti carta mea confirmaui deo et beate Marie de Egnesham et monachis ibidem deo seruientibus in liberam et perpetuam elemosinam totam terram illam cum omnibus pertinenciis suis quam habent de dono Iohannis filii Willelmi de Chadelintona in territorio de Chadelintona que est de feodo meo habendam et tenendam dictis monachis et eorum successoribus libere et quiete bene et in pace in planis pascuis et pasturis in uiis semitis et in omnibus aliis libertatibus et liberis consuetudinibus reddendo inde annuatim michi et heredibus meis dicti monachi et eorum successores octo solidos sterlingorum ad duos anni terminos uidelicet ad festum sancti Michaelis quatuor solidos et ad festum sancte Marie in Marcio quatuor solidos pro omnibus secularibus seruiciis consuetudinibus et demandis ad me uel heredes meos pertinentibus et sectis curie saluo seruicio domini regis quantum ad tantam terram pertinet Et ut [hec mea concessio et confirmacio firma et stabilis in perpetuum permaneat presenti scripto sigillum meum apposui] hiis testibus []