Charter Document - 00910302
| Charter Number: | 00910302 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1256 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f71r) |
Charter:
Henricus dei gracia rex Anglie dominus Hybernie dux Normannie Aquitannie et comes Andegauie archiepiscopis episcopis abbatibus prioribus comitibus baronibus iusticiariis uicecomitibus prepositis ministris et omnibus balliuis et fidelibus suis salutem Sciatis nos concessisse et hac carta nostra confirmasse dilectis nobis in Christo abbati et conuentui de Egnesham quod ipsi et eorum successores in perpetuum habeant unum mercatum singulis septimanis per diem Lune apud manerium suum de Cherleburia in comitatu Oxon et quod habeant ibidem unam feriam singulis annis per quatuor dies duraturam uidelicet in uigilia et in die Assumpcionis beate Marie et per duos dies sequentes nisi mercatum illud et feria illa sint ad nocumentum uicinorum mercatorum et uicinarum feriarum Quare uolumus et firmiter precipimus pro nobis et heredibus nostris quod predicti abbas et conuentus et eorum successores in perpetuum habeant unum mercatum singulis septimanis per diem Lune apud manerium suum de Cherleburia in comitatu Oxon et quod habeant ibidem unam feriam singulis annis per quatuor dies duraturam uidelicet in uigilia et in die Assumpcionis beate Marie et per duos dies sequentes cum omnibus libertatibus et liberis consuetudinibus ad huiusmodi mercatum et feriam pertinentibus nisi mercatum illud et feria illa sint ad nocumentum uicinorum mercatorum et uicinarum feriarum sicut predictum est hiis testibus uenerabili patre P Herefordensi episcopo Guidone de Lezinnan fratre nostro Ricardo Iohanne et Willelmo de Grey fratribus Willelmo de Clare Iohanne priore de Nouo Burgo Radulfo de Bakepuz Walkelino de Arderne Willelmo Gernun et aliis Dat per manum nostram apud Wodestoke septimo die Februarii anno regni nostri quadragesimo