Charter Document - 00910295
| Charter Number: | 00910295 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f70r) |
Charter:
Sciant presentes et futuri quod ego Willelmus Bastard de Wykerisindona dedi [et concessi et hac presenti carta mea confirmaui] deo et beate Marie et domino Gilleberto abbati de Egnesham et eiusdem loci conuentui in liberam et perpetuam elemosinam unam uirgatam terre cum pertinenciis in uilla de Wykerisindona illam uidelicet quam Willelmus de Swelle quondam tenuit et cum omnibus libertatibus et liberis consuetudinibus ad dictam terram pertinentibus habendam et tenendam de me et heredibus meis ipsis et successoribus eorum libere et quiete pacifice et solute ab omni seculari seruicio sectis querelis et demandis et omnimodis exactionibus ad dictam terram seu ad me uel ad heredes meos pertinentibus saluo seruicio domini regis quantum pertinet ad tantam terram eiusdem feodi in eadem uilla et salua etiam una marca que capitali domino annuatim debetur ad duos terminos anni uidelicet ad festum sancti Michaelis sex solidos et octo denarios et ad Annunciacionem beate Marie sex solidos et octo denarios pro omni seculari seruicio ut predictum est Ego uero [predictus Willelmus et heredes mei seu quicumque alii successores mei dictis abbati et conuentui et eorum successoribus predictam terram cum omnibus libertatibus ut predictum est contra omnes homines et feminas warantizabimus acquietabimus et defendemus in perpetuum] Pro hac autem donacione et carte mee confirmacione dederunt michi dicti abbas et conuentus octo marcas et dimidiam per manibus Et ut [hec mea donacio concessio et carte mee confirmacio rate et inconcusse permaneant in perpetuum huic scripto sigillum meum apposui] hiis testibus []