Charter Document - 00910273
| Charter Number: | 00910273 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1227 - 1231 |
| Date type: | Assigned |
| Resource Link(s): |
Bodleian Library - Christ Church MS 341 (f66r) |
Charter:
Sciant presentes et futuri quod ego Willelmus molendinarius et ego Elena filia Gerardi Cordewanarii et ego Matildis soror ipsius Elene concessimus dimisimus et liberauimus Iohanni Normanno totam illam terram que est inter seldam que fuit Nicholai Le Loym[er] et inter uenellam abbatis de Oseneya in parochia sancti Michaelis uersus portam aquilonarem Oxonie illi et heredibus suis uel cui assignare uoluerit habendam et tenendam de nobis et de heredibus predictorum Elene et Matildis in feodo et hereditate libere quiete et integre cum omnibus pertinenciis suis reddendo inde annuatim nobis et heredibus predictarum Elene et Matildis uiginti solidos ad quatuor terminos anni pro omni seruitio et exaccione scilicet ad Natiuitatem sancti Iohannis quinque solidos et ad festum sancti Michaelis quinque solidos et ad Nathale Domini quinque solidos et ad festum sancte Marie in Marcio quinque solidos Et nos et heredes predictarum Elene et Matildis warantizabimus predictam terram cum pertinenciis predicto Iohanni et heredibus suis uel cui eam dare uel assignare uoluerit contra omnes homines et feminas Pro hac autem concessione [dimissione liberatione et warantizacione] predictus Iohannes dedit nobis decem solidos in gersumma Et ut [hec predicta firma et stabilia in perpetuum permaneant hanc presentem cartam sigillis nostris confirmauimus] hiis testibus Iohanne Pady tunc maiore oxonie []