Charter Document - 00910271
| Charter Number: | 00910271 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f65v) |
Charter:
Notum sit omnibus presens scriptum uisuris uel audituris quod ita conuenit inter dominum Inbertum le Pugeys de Bamptona ex parte una et dominum G[ilbertum] abbatem et conuentum de Egnesham ex altera uidelicet quod dictus Inbertus pro se et heredibus suis et suis successoribus remisit et quietum clamauit dictis abbati et conuentui de Egnesham quoddam festum quod dicti abbas et conuentus facere consueuerunt hominibus suis de Estona in festo sancti Bartholomei pro quadam cultura apud Sypford que uocatur Sypland et quadam pastura que uocatur Sypwardemed ita quod dictus Inbertus uel aliquis heredum suorum uel suorum successorum uel hominum a dictis abbate et conuentu racione dicti festi diei sancti Bartholomei aliquid exigere de cetero non poterunt Remisit etiam et quietam clamauit idem Inbertus pro se et heredibus suis et successoribus suis dictis abbati et conuentui de Egnesham sectam curie sue de Bamptona quam exigebat ab eisdem de una uirgata terre in uilla de Estona libere et quiete in perpetuum Pro hac autem remissione et quieta clamacione dabunt dicti abbas et conuentus de Egnesham singulis annis dicto Inberto et heredibus suis uel suis successoribus ad quatuor anni terminos duas marcas argenti scilicet ad festum sancti Michaelis dimidiam marcam ad Natale dimidiam marcam ad Pascha dimidiam marcam et ad Natiuitatem sancti Iohannis Baptiste dimidiam marcam pro omnibus secularibus seruiciis consuetudinibus et demandis que pro dicto festo et secta curie sue exigi poterunt in perpetuum Concesserunt autem dicti abbas et conuentus pro se et successoribus eorum quod dictus Inbertus et heredes sui possint distringere eos per aueria hominum suorum de Estona tam de feudo abbatis quam de suo quocienscunque a solucione dictorum denariorum in aliquo termino cessauerint donec eis competenter et plenarie fuerit satisfactum Dictus uero I et heredes sui et sui successores dictam conuencionem dictis abbati et conuentui de Egnesham contra omnes gentes warentizabunt et defendent in perpetuum Ut autem hec conuencio ex utraque parte firma sit et stabilis in perpetuum tam dictus Inbertus quam dicti abbas et conuentus presenti scripto in modum cirographi confecto alternatim sigilla sua apposuerunt Hiis testibus []