Charter Document - 00910267
| Charter Number: | 00910267 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1247 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f65r) |
Charter:
Sciant presentes et futuri quod ego Willelmus de Diue dedi [et concessi et hac presenti carta mea confirmaui] pro me et heredibus meis deo et beate Marie de Egnesham et monachis ibidem deo seruientibus quod ipsi uel eorum tenentes qui tenebunt illam uirgatam terre quam Ricardus Rolland aliquando de me tenuit in uillenagio in Welda quam scilicet per cartam meam dedi dictis monachis in puram et perpetuam elemosinam habeant communem pasture mee in Dugkelintona tam in bosco meo tunc non incluso quam in assartis meis post blada asportata ad omnimoda aueria sua propria que habebunt in eadem uilla in perpetuum que poterunt hyemare preter oues in bosco tunc non incluso ita quod ego Willelmus et heredes mei aliquod seruicium inde exigere uel percipere non poterimus Concedo etiam et confirmo eisdem monachis pro me et heredibus meis donacionem terre illius cum omnibus pertinenciis in Dukelintona quam Wido pater meus et Lucia mater mea dederunt Ricardo de Mora et quam idem Ricardus dedit dictis monachis et sectam curie mee de dicta terra quietam clamo inperpetuum saluo seruicio michi inde debito scilicet una libra piperis Omnes etiam alias donationes de terris et reditibus de feudo meo eis factis per presentem cartam meam pro me et heredibus meis secundum tenorem cartarum quas de donatoribus suis inde habent concedo et confirmo habendas et tenendas libere et quiete et in pace in perpetuum eis et successoribus suis Ego uero Willelmus et heredes mei omnes dictas donaciones concessiones et confirmaciones predictis monachis warantizabimus in perpetuum Et ut [hec mea donacio concessio et confirmacio rata et stabilis permaneat in perpetuum presenti scripto sigillum meum apposui] hiis testibus []