Charter Document - 00910266
| Charter Number: | 00910266 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f64v) |
Charter:
Omnibus Christi fidelibus presens scriptum uisuris uel audituris G[ilbertus] dei gracia abbas Egneshamie et eiusdem loci conuentus salutem in domino Nouerit uniuersitas uestra nos unanimi assensu dedisse [et concessisse et hac presenti carta nostra confirmasse] Thome filio Ricardi de monasterio de Egnesham et heredibus suis mesuagium illud cum curtilagio et crofto quod Ricardus pater predicti Thome aliquando de nobis tenuit in uilla de Egnesham habendum et tenendum sibi et heredibus suis libere et quiete bene et in pace in uiis in semitis in planis in pasturis et in omnibus libertatibus et liberis consuetudinibus ad tantam terram pertinentibus reddendo inde annuatim nobis et successoribus nostrum ipse et heredes sui duos solidos sterlingorum ad quatuor anni terminos uidelicet ad festum sancti Michaelis sex denarios et ad festum sancti Thome apostoli sex denarios et ad festum beate Marie in Marcio sex denarios et ad Natiuitatem sancti [Iohannis] Baptiste sex denarios et tres bederipas cum uno homine unam scilicet sine cibo et duas ad cibum nostrum et sectam curie nostre bis tantum in anno scilicet ad festum sancti Michaelis et ad Hockeday pro omni seculari seruicio consuetudine et demanda ad nos pertinente Et nos [et successores nostri predictum mesuagium cum crofto et curtilagio predicto Thome et heredibus suis per predictum seruicium contra omnes gentes warantizabimus in perpetuum] Et ut [hec nostra donacio et concessio firma sit et stabilis presenti scripto sigilla nostra apposuimus] hiis testibus []