Charter Document - 00910263
| Charter Number: | 00910263 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
Bodleian Library - Christ Church MS 341 (f64r) |
Charter:
Sciant presentes et futuri quod ego Willelmus de Collintone filius Agnetis filie Hugonis de Cuyllardewille dedi [] Ysabelle filie Hugonis de Cuyllarduille amite mee totam terram meam quam habui ex dono predicte Agnetis matris mee in territorio de Wikerisendona scilicet duas acras sub graua que iacent inter terram Walteri de Hunderlithe et terram Sare et extendunt se super Northbroc et unam acram contra Mukelwrthe proximiorem terre Sare et unam acram super Frockewelle iuxta terram abbatis de Egnesham que quondam fuit terra Henrici de Taydene et unam acram in cultura Bi Suthetun que extenditur super croftam Ricardi filii Alani et unam acram super Lonkebenhulle proximiorem terre que fuit Walteri de Hunderlithe cum omnibus pertinentiis suis habendas et tenendas libere et quiete et honorifice et pacifice in feodo et hereditate sibi et heredibus suis uel suis assignatis et eorum heredibus uel cuicunque uel quandocunque dare uendere legare uel assignare uoluerint in perpetuum reddendo inde annuatim Ade de Collintone et heredibus suis uel suis assignatis unum denarium ad festum sancti Lawrencii pro omni seculari seruicio exactione et demanda Pro hac autem donacione [] dedit michi predicta Ysabella quinque marcas esterlingorum pre manibus Et ut [] hiis testibus domino H Tayden milite domino W de Wike capellano et aliis