Charter Document - 00910257
| Charter Number: | 00910257 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f63r) |
Charter:
Sciant presentes et futuri quod ego Willelmus filius Roberti le Grant de Finestoke dedi [et concessi et hac presenti carta mea confirmaui] deo et beate Marie de Egnesham et monachis ibidem deo seruientibus totam terram meam cum omnibus pertinentiis suis sine aliquo retine mento quam de eis tenui in uilla et campis de Finestoke et omne ius et clamium quod michi uel heredibus meis in tota dicta terra cum omnibus pertinenciis suis aliquo casu poterit euenire eisdem inperpetuum resignaui habendam et tenendam sibi et successoribus suis de me et heredibus meis libere et quiete integre pacifice inperpetuum Pro hac autem donacione [concessione et presenti carte mee confirmatione] dederunt michi predicti abbas et conuentus unum panem album trium quarteriorum et unum panem secundum eiusdem ponderis et unum galonem et dimidium de ceruisia monachorum et unum ferculum integrum de coquina abbatis et unum discum de potagio seruiencium ad sustentacionem uite mee singulis diebus et octo solidos ad me uestiendum singulis annis in festo beati Michaelis percipiendos Et ut [hec mea donacio concessio et presentis carte mee confirmacio perpetue firmitatis robur optineat presenti scripto sigillum meum apposui]