Charter Document - 00910253
| Charter Number: | 00910253 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f62v) |
Charter:
Hec est conuentio facta inter abbatem et conuentum Egneshamie ex parte una et Ysabel filiam Hugonis de Cuillardeuille ex altera uidelicet quod dicti abbas et conuentus dederunt et concesserunt dicte Ysabel duos panes monachales et duos panes secundos maioris ponderis et duos galones ceruisie de seruisia conuentus et duos galones de seruisia secunda singulis diebus quamdiu uixerit de domo Egneshamie percipiendos Preterea dicti abbas et conuentus concesserunt dicte Ysabel singulis annis quamdiu uixerit tres marcas argenti ad robas et ad coquinam de camera abbatis ad duos anni terminos percipiendas scilicet ad festum sancte Marie in Marcio et ad festum sancti Michaelis et sexdecim carucatas buste quas idem abbas faciet adduci ad domum dicte Ysabel inter Penthecosten et festum sancti Martini et sexdecim quarteria auene medietatem ad Pascha et medietatem ad festum sancti Michaelis et fenum ad unum equum sufficientem et domum honestam ubi poterit habitare Concesserunt etiam dicti abbas et conuentus dicte Ysabel duas uaccas cum uaccis abbatis in pastura porcos suos proprios quietos in pannagio Dicta uero Ysabel concessit quod omnia bona sua mobilia et immobilia pro salute anime sue et parentum suorum post decessum suum in domo Egneshamie remaneant Ut autem hec conuentio et concessio rata sit et stabilis presenti scripto in modum cyrographi confecto alternatim sigilla sua apposuerunt Hiis testibus []