Charter Document - 00910247
| Charter Number: | 00910247 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f61r) |
Charter:
Sciant presentes et futuri quod ego Henricus de Teyden miles dedi [concessi et hac presenti carta mea confirmaui] deo et beate Marie de Egnesham et monachis ibidem deo seruientibus quatuor uirgatas terre arabilis extractas de dominico hered[um] Hugonis de Cuylard uille in uilla de Wykerisendona cum omnibus pertinentiis suis illas scilicet quas Paulinus de Tayden frater meus pro homagio et seruicio meo michi dedit uidelicet super Hosmundeshulle triginta et duas acras que iacent simul in una cultura et in cultura super pratum quod uocatur Tyckeleuere septem acras et in cultura que extendit se super Fullbroc uiginti et tres acras et in cultura super grauam sex decem acras et in cultura sub graua sex decem acras et totum pratum meum cum omnibus pertinentiis suis sine aliquo retine mento quod uocatur Champiummed Preterea dedi etiam et concessi prefatis monachis unam uirgatam terre cum prato adiacente et cum omnibus pertinentiis suis quam Hugo de Angulo aliquando de me tenuit preter quatuor acras terre arabilis quas uendidi magistro Willelmo de Taney Dedi etiam et concessi predictis monachis totam mansionem meam cum omnibus pertinenciis suis sine aliquo retine mento quam habui in uilla de Wykerisendona Preterea dedi et concessi et hac presenti carta mea confirmaui predictis monachis homagium et seruicium scilicet trium solidorum cum omnibus eschaetis quod Iohannes de Marissco michi facere consueuit pro una dimidia uirgata terre in uilla de Wykerisendona habendum et tenendum sibi et successoribus suis libere et quiete integre honorifice bene et in pace in dominicis in pratis in pascuis in uiis in semitis in aquis in homagiis in reditibus et in omnibus libertatibus et liberis consuetudinibus michi uel heredibus meis pertinentibus saluo tamen forinseco seruicio quantum pertinet ad unam uirgatam terre in predicta uilla de Wykerisendona reddendo inde annuatim heredibus Paulini de Taydene uel eorum assignatis quatuor solidos argenti uel duos sperueros soros in festo Aduincula sancti Petri pro omnibus secularibus seruiciis querelis sectis et omnibus exactionibus et demandis Et ut [hec mea donatio et concessio et presentis carte mee confirmacio rata et stabilis in perpetuum permaneat presenti scripto sigillum meum apposui] hiis testibus []