Charter Document - 00910246
| Charter Number: | 00910246 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1241 - 1264 |
| Date type: | Assigned |
| Resource Link(s): |
Bodleian Library - Christ Church MS 341 (f61r) |
Charter:
Nouerint uniuersi quod ego Symeon de Walingford et Luc[ia] uxor mea obligauimus nos et heredes nostros ad faciendum dominis abbati et conuentui de Egnesham omnem securitatem quam sibi uiderint expedire coram proximis iusticiariis apud Oxoniam itinerantibus de terra illa cum pertinenciis suis quam remisimus eis et reddidimus et quietam clamauimus in parochia sancte Ebbe et ad conseruandum eos indempnes ab omni molestacione [et] uexatione aliqua occasione proueniente racione eiusdem terre Et ad maius testimonium istius securitatis inuadiauimus eisdem et dimisimus omnes redditus nostros in burgo et sub burgo Oxonie habendos et percipiendos terminis debitis et consuetis et plenarie tenendos donec plenaria securitas eis exinde sit facta uel si in hoc defecerimus quod de predictis reditibus nostris predicti abbas et conuentus uiginti marcas plenarie perceperint Et ex tunc iidem redditus nobis uel heredibus nostris reuertantur libere et quiete scilicet de Adam Fetheplace unam marcam de Willelmo de Mildecumbe unam marcam de terra Ricardi Prudom octo solidos de terra Ruby Iudea proxim[a] octo solidos de terra Henrici le Ewer quinque solidos de Iuliana Pady septem solidos de terra Ricardi Bere extra portam aquilonarem tres solidos de Laurencio le Rus duos solidos In huius [] hiis testibus []