Charter Document - 00910228
| Charter Number: | 00910228 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1234 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f58r) |
Charter:
Henricus dei gracia rex Anglie [] uicecomiti Oxon salutem Quia audiuimus quod tu et balliui tui et etiam balliui aliorum qui hundreda habent in comitatu tuo non intelligitis qualiter hundreda et wapentakia teneri debeant in comitatu tuo postquam concessimus omnibus de regno nostro libertates contentas in cartis nostris quas inde fecimus dum fuimus infra etatem nos eandem cartam nuper fecimus in presencia domini Cantuariensis et maioris et sanioris partis omnium episcoporum comitum et baronum totius regni nostri ut coram eis et per eos exponeretur hec clausula contenta in carta nostra de libertatibus uidelicet quod nullus uicecomes uel balliuus faciat turnum suum per hundredum nisi bis in anno et non nisi in debito loco et consueto uidelicet semel post Pascha et iterum post festum sancti Michaelis sine occasione ita scilicet quod quilibet habeat libertates suas quas habuit et habere consueuit tempore Henrici regis aui nostri uel quas postea perquisiuit unde a multis ibi dictum fuit et testatum quod tempore predicti Henrici regis aui nostri tam hundreda et wapentakia quam curie magnatum Anglie solebant teneri de quindena in quindenam et licet nobis ualde placeret communi utilitati tocius regni et yndempnitati pauperum prouidere tamen quia illi duo turni non sufficiunt ad pacem regni nostri conseruandam propter excessus tam diuitibus quam pauperibus illatos corigendos que ad hundreda pertinent de communi consilio predicti Cantuariensis et omnium predictorum episcoporum comitum baronum et aliorum ita prouisum est quod inter predictos duos turnos teneantur hundreda et wapentakia et etiam curie magnatum de tribus septimanis in tres septimanas ubi prius teneri solent de quindena in quindenam ita tamen quod ad illa hundreda et wapentakia et curias non fiat generalis summonicio sicut ad turnos predictos sed ad hundreda illa wapentakia et curias conueniant conquerentes et aduersarii sui et illi qui sectas debent per quos teneantur placita et fiant iudicia nisi ita sit quod ad hundreda illa et wapentakia fieri debeat inquisicio de placitis corone sicut de morte hominis thesauri inuenti et huiusmodi ad que inquirenda conueniant cum predictis sectariis quatuor uillate proxime scilicet omnes de illis uillis qui necessarii fuerint ad inquisitiones illas faciendas Et ideo tibi precipimus quod predicta hundreda wapentakia et curias tam nostras quam aliorum teneri facias de cetero secundum quod predictum est de tribus septimanis in tres septimanas exceptis predictis duobus turnis qui de cetero teneantur secundum quod prius teneri solebant Teste me ipso apud Westmonasterium xii die Octobris anno regni nostri xviii