Charter Document - 00910226
| Charter Number: | 00910226 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1213 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f57r) |
Charter:
Sciant presentes et futuri quod ego Herueus filius Petri de Egnesham dedi et concessi et hac presenti carta mea confirmaui deo et beate Marie de Egnesham et monachis ibidem deo seruientibus redditum quinque denariorum uidelicet duorum denariorum quos Willelmus frater abbatis michi reddere consueuit die sancti Michaelis pro duabus acris terre arrabilis et iterum duorum denariorum quos Stephanus de Teintone michi reddere consueuit die Annunciacionis beate Marie pro duabus acris terre arabilis et iterum unius denarii quam michi reddere consueuit Willelmus de Submuro ad Pascha Floridum pro una dimidia acra terre arabilis apud Leuiton et una dimidia [acra] terre arabilis sub Hyohull et una dimidia acra prati in Bedredeie et quicquid iure hereditario de omnibus predictis terris michi accidere possit habendum et tenendum de me et heredibus meis in puram et perpetuam elemosinam Et ego [et] heredes mei warantizabimus predictum redditum quinque denariorum cum pertinentiis predictis monachis et eorum successoribus imperpetuum contra omnes homines et feminas Pro hac autem donacione et concessione et warantizacione dederunt michi predicti monachi tres solidos sterlingorum et nouem denarios et ut hec omnia rata et inconcussa permaneant presenti [scripto] sigillum meum apposui Hiis testibus Iohanne ianitore Auenello Radulfo filio clerici Ricardo de Submuro Roberto marescallo et multis aliis