Charter Document - 00910224
| Charter Number: | 00910224 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f57r) |
Charter:
Omnibus Christi fidelibus ad quos presens scriptum peruenerit Radulfus filius Walteri filii clerici salutem in domino Nouerit uniuersitas uestra me dedisse concessisse et presenti carta confirmasse deo et beate Marie Egneshamie et dominis meis A[de] abbati et eiusdem loci conuentui totum mesuagium cum gardino et crofta quod habui iuxta bertonam abbatis et platiam unam que extenditur in longum a nouo ponte usque ad angulum muri eiusdem bertone uersus aquilonem et in latum ab eadem bertona usque ad nouam stratam habendum et tenendum libere et quiete pro me et pro heredibus meis imperpetuum Preterea concessi et presenti carta confirmaui prefatis abbati et conuentui totam terram illam quam Walterus pater meus eis dederat et concesserat pro relaxacione redditus quinque solidorum et medietatis totius seruitii quod eis facere consueuerat pro toto tenemento quod de eis tenuerat in qua uidelicet terra noua grangia abbatis constructa est Et hec omnia ego et heredes mei prefatis monachis contra omnes homines warantizabimus Pro hac autem donacione concessione confirmacione et warantizacione predicti abbas et conuentus dederunt michi totum mesuagium cum terra adiacente quod fuit Henrici de Legton apud nouum burgum Egneshamie et duas acras prati apud Lanmede Quod ut ratum et inconcussum permaneat presenti scripto sigillum meum apposui Hiis testibus Radulfo capellano magistro P[etro] de Stanig Radulfo de Wotton Reginaldo de Kersintona Willelmo fratre domini abbatis Nicholao de Sancto Germano Petro de Haywode Iohanne ianitore et multis