Charter Document - 00910220
| Charter Number: | 00910220 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f56r) |
Charter:
Sciant presentes et futuri quod ego Alicia filia Iohannis capellani de Withefelde assensu et uoluntate Roberti Kiuel uiri mei et heredum meorum pro salute anime mee et antecessorum et successorum dedi et concessi et hac presenti carta mea confirmaui deo et sancte Marie de Egnesham et elmosinar[io] eiusdem ecclesie in puram et perpetuam elemosinam unum cottagium in uilla de Egnesham cum ortolagio adiacente quod est inter mansum meum et mansum Henrici Broncostin et duas acras terre arabilis unam scilicet que extenditur in Sidelakesham inter terram Roberti marescalli et Willelmi de Hamstall et aliam que extenditur usque in Wethemore iuxta terram Ioie et unam acram prati in Langedale iuxta pratum Bollig habenda et tenenda de me et heredibus meis imperpetuum libere et quiete et pacifice ab omni seruitio exactione et demanda ad nos et heredes nostros pertinente reddendo inde annuatim michi et heredibus meis sex denarios ad quatuor terminos scilicet ad festum sancti Michaelis tres obolos ad festum sancti Thome apostoli tres obolos ad festum sancte Marie in Marcio tres obolos et ad Natiuitatem sancti Iohannis Baptiste tres obolos Ego uero Alicia et heredes mei prefatum cottagium cum orto et tribus acris predictis contra omnes homines mares et feminas warantizabimus Et ut hec mea donatio et concessio rata permaneat et inconcussa presentis scripti testimonio et sigilli mei apposicione dignum duxi confirmandum Hiis testibus Radulfo Halegod magistro Petro de Stanig Ricardo de Submuro Waltero de Submuro Iohanne filio Stephani Willelmo Russel Roberto marescallo Auenello et multis aliis