Charter Document - 00910219
| Charter Number: | 00910219 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f56r) |
Charter:
Sciant presentes et futuri quod ego Bartholomeus filius Iohannis Fabri assensu et uoluntate Iuliane uxoris mee et heredum meorum dedi et concessi et hac presenti carta mea confirmaui deo et sancte Marie de Egnesham et elemosinario eiusdem ecclesie in perpetuam elemosinam unum cotagium in uilla de Egnesham cum ortholagio adiacente extento usque ad terram Willelmi Russel quod est inter mansum meum et mansum Hernaldi habendum et tenendum de me et heredibus meis imperpetuum libere et quiete et pacifice ab omni seruitio exactione et demanda ad nos et heredes nostros pertinente reddendo inde annuatim michi et heredibus meis sex denarios ad festum sancti Iohannis Baptiste Ego autem Bartholomeus et heredes mei prefatum cottagium cum toto orto extento usque ad terram predicti Willelmi Russel contra omnes homines mares et feminas warantizabimus Et ut hac mea donatio et concessio rata et inconcussa permaneat id presentis scripti testimonio et sigilli mei apposicione confirmaui Hiis testibus Radulfo Halegod magistro Petro de Stanig Ricardo de Submuro Waltero de Submuro Willelmo Russel Roberto marescallo Auenello Roberto clerico et multis aliis