Charter Document - 00910215
| Charter Number: | 00910215 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1218 |
| Date type: | Assigned |
| Resource Link(s): |
Bodleian Library - Christ Church MS 341 (f55r) |
Charter:
Sciant presentes et futuri quod ego Gwido de Diua et Lutia uxor mea dedimus et concessimus et hac presenti carta nostra confirmauimus Ricardo de Mora pro homagio et seruitio suo xxv acras [et dimidiam] terre nostre cum pertinentiis in Dukelesdona de dominico nostro scilicet illas xxv acras et dimidiam terre cum pertinentiis que iacent in campo de Aldefeld inter terram nostram in eodem campo et terram Iohannis de Coredeshell Dedimus etiam et concessimus eidem Ricardo et hac presenti carta confirmauimus pro homagio et seruitio suo totum pratum quod uocatur Medhal cum pertinentiis quod iacet subtus boscum nostrum uersus Banton habenda et tenenda eidem Ricardo et heredibus suis uel cuicunque ea dare uoluerit de nobis et heredibus nostris in feodo et hereditate libere bene et in pace integre et finaliter in terris et reditibus in bosco in plano in aquis et molendinis in uiuariis et piscariis et stagnis in pratis et pascuis pasturis et communiis in exitibus et introitibus et in omnibus locis et rebus cum omnibus libertatibus et liberis consuetudinibus ad eandem terram et pratum predictum pertinentibus reddendo inde annuatim nobis et heredibus nostris unam libram piperis pro omni seruitio et pro omni exactione et omnibus rebus ad nos uel ad heredes nostros pertinentibus ad festum sancti Michaelis sine omni exactione et calumpnia Hanc uero terram predictam et pratum cum omnibus pertinentiis ego Gwido predictus et Lutia uxor mea et heredes nostri warantizabimus imperpetuum predicto Ricardo et heredibus suis uel cuicumque ea dederit contra omnes gentes per predictum seruitium Hiis testibus Willelmo de Harecurt Radulfo filio Galfridi de Nortune Roberto de Burtona Milone de Hastinges Andrea de Bellocampo Roberto de Estrop Roberto de Cauz Roberto de Eleford Galfrido de Leges Warino de Mora et multis aliis