Charter Document - 00910213
| Charter Number: | 00910213 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1212 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f54v) |
Charter:
Omnibus Christi fidelibus ad quos presens scriptum peruenerit Petrus de la Mare salutem in domino Nouerit uniuersitas uestra me diuine pietatis intuitu pro salute mea et uxoris mee et heredum meorum pro salute etiam animarum patris mei et matris mee et omnium antecessorum meorum ratam et gratam habere donationem et concessionem unius uirgate terre in uilla de Baldindone quam bone memorie Robertus de la Mare pater meus fecit deo et beate Marie Egneshamie et monachis ibidem deo seruientibus in puram et perpetuam elemosinam illius uidelicet quam Hugo Wrenne tenuit cum omnibus pertinentiis suis et eandem uirgatam terre dictis monachis pro me et heredibus meis confirmaui ut eam habeant et teneant et possideant libere et quiete pacifice et honorifice ab omnibus seruitiis et exactionibus que fiunt uel que fieri poterunt saluo seruitio domini regis Hanc etiam donacionem concessionem et confirmacionem ego et heredes mei predictis monachis tenemur warantizare contra omnes qui nati sunt uel qui nasci poterunt Quod ut ratum et inconcussum perseueret id presenti scripto sigilli mei appositione munito roboraui Hiis testibus Willelmo de Grenuill Radulfo filio Galfridi Fulc[one] de Nortune magistro Galfrido de Dorkecestria magistro Roberto de Laumton Iohanne camerario Willelmo de Oxonia Iohanne portario Ricardo de Submuro et multis aliis