Charter Document - 00910212
| Charter Number: | 00910212 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 - 1212 |
| Date type: | Assigned |
| Resource Link(s): |
Bodleian Library - Christ Church MS 341 (f54v) |
Charter:
Omnibus Christi fidelibus ad quos presens scriptum peruenerit Robertus de la Mare salutem Nouerit uniuersitas uestra me diuine miseracionis intuitu et pro salute anime mee et patris mei et matris mee et omnium antecessorum meorum dedisse et concessisse et hac presenti carta mea confirmasse deo et ecclesie sancte Marie de Egnesham in puram et perpetuam elemosinam unam uirgatam terre in uilla de Baldyndone illam uidelicet quam Hugo Wrenne tenuit cum omnibus pertinentiis suis libere et quiete et pacifice et honorifice ab omni seruicio et cunctis exactionibus que fiunt uel in posterum fieri possunt Hanc autem concessionem et donationem meam ego et heredes mei prefate ecclesie et fratribus ibidem deo seruientibus tenemur warantizare contra omnes homines et feminas qui nati sunt uel etiam nasci poterunt Et ne ista mea donacio a posteris deuocetur in dubium hanc presentem paginam sigilli mei impressione roboraui Hiis testibus abbate de Stanle Iacobo de Poterna et aliis