Charter Document - 00910210
| Charter Number: | 00910210 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1210 - 1218 |
| Date type: | Assigned |
| Resource Link(s): |
Bodleian Library - Christ Church MS 341 (f54v) |
Charter:
Sciant presentes et futuri quod ego Wido de Diua assensu et peticione Lutie de Chaisneto uxoris mee dedi et concessi et presenti carta confirmaui deo et sancte Marie de Egnesham et monachis ibidem deo seruientibus unam uirgatam terre cum pertinentiis suis in puram et perpetuam elemosinam in Haitona illam scilicet quam Willelmus Cradel tenuit possidendam libere quiete et pacifice ab omni seculari seruitio sicut decet elemosinam saluo seruitio domini regis Hanc uero predictam uirgatam terre ego et Lutia de Chaisneto uxor mea et heredes mei contra omnes homines warantizabimus Hiis testibus H persona de Duglintona Willelmo persona de Estle Alexandro de Mildecumbe Roberto de Cauz Rogero de Bereforde Iohanne Canet Rogero de Harroc Nigello clerico et multis aliis