Charter Document - 00910209
| Charter Number: | 00910209 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f54v) |
Charter:
Omnibus Christi fidelibus ad quos presens scriptum peruenerit Robertus Halthein perpetuam in domino salutem Nouerit uniuersitas uestra me dedisse concessisse et presenti carta confirmasse deo et sancte Marie et monachis de Egnesham in puram et perpetuam elemosinam terram que uocatur Heycroft continentem in longitudine in parte australi octo perticas et in parte aquilonari nouem perticas et in latitudine sex perticas que quidem terra in latum uersus nouam stratam que est inter dictam terram et fontem qui uocatur Holewelle et in longum uersus hospitale habendam et tenendam bene et pacifice libere et quiete ab omni seculari seruitio sicut decet elemosinam reddendo inde annuatim michi et heredibus meis xvi denarios ad quatuor terminos uidelicet ad Uincula sancti Petri quatuor denarios et ad festum sancti Michaelis iiii denarios et ad Natiuitatem Domini iiii denarios et ad Pascha iiii denarios pro omnibus seruitiis et exactionibus secularibus et ego et heredes mei predictam terram warantizabimus dictis monachis contra omnes homines et adquietabimus ab omnibus secularibus exactionibus et si forte contigerit quod ego uel heredes mei predictam terram prenominatis monachis warantizare non poterimus dabimus eis escambium ad ualentiam de curia nostra in qua dominicum mansum nostrum situm est iuxta eandem terram Et si grangiam uel domos alias ibi construxerint et eas per defaltam nostram amiserint ego et heredes mei totum dampnum suum tam in domibus quam in rebus aliis eis sine dilacione ad integrum restaurabimus Quod ut ratum sit et firmum presenti scripto sigillum meum apposui hiis testibus Willelmo de Stokes Iohanne Dreing Ricardo Tailard Ricardo de Couentre Hugone Gerard Willelmo Edmund Galfrido Goillin Thoma Leui Gileberto de Breilles Thoma de Edburbiria et multis aliis