Charter Document - 00910199
| Charter Number: | 00910199 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1213 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f51r) |
Charter:
Omnibus Christi fidelibus ad quos presens scriptum peruenerit Thomas filius Hugonis dispensatoris salutem Nouerit uniuersitas uestra me pro salute anime mee et patris mei et matris mee et omnium antecessorum et heredum meorum quietum clamasse pro me et pro heredibus meis in puram et perpetuam elemosinam deo et ecclesie beate Marie de Egnesham et monachis ibidem deo seruientibus totum ius quod habere credidi in una uirgata terre cum omnibus pertinentiis suis in uilla de Wodetona quam pater meus quondam tenuit de Waukelino Harange auunculo suo per liberum seruitium sex solidorum annuatim soluendorum Quare uolo quod predicti monachi memoratam uirgatam habeant et possideant bene et in pace liberam et quietam ab omni clamio de me et heredibus meis Ad hanc autem quietam clamacionem inuiolabiter obseruandam ego tam pro me quam pro heredibus meis tactis sacrosanctis iuramento corporaliter prestito me obligaui Dicti uero monachi me in fraternitatem domus sue susceperunt Pro huius autem quiete clamacionis confirmacione dedit michi abbas predicti loci quatuordecim solidos ad unum palefridum emendum In huius quoque rei testimonium presenti scripto sigillum meum apposui hiis testibus Radulfo de Norton Genteschiu Paupere magistro Petro de Derham Gileberto decano de Hicteslep Galfrido de Mora Fulcone filio Radulfi de Nortun Roberto de Badinton Iohanne filio Willelmi de Kerlinton et multis aliis