Charter Document - 00910193
| Charter Number: | 00910193 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Extent of Lands |
| Date: | 1220 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f49r) |
Charter:
Omnibus Christi fidelibus ad quos presens scriptum peruenerit Willelmus de Auuers salutem in domino Nouerit uniuersitas uestra me concessisse et presenti carta confirmasse pro salute anime mee et omnium antecessorum et heredum meorum deo et sancte Marie de Egnesham et monachis ibidem deo seruientibus in puram et perpetuam elemosinam totam terram que de feodo Roberti de Cheualchesul ad Robertum quondam patrem meum iure hereditario descendere poterat in uilla de Fauflore scilicet medietatem totius tenementi quod idem Robertus le Cheualchesul habuit in eadem uilla in bosco in plano in pratis et pascuis in aquis in uiis in semitis in introitibus et exitibus in omnibus libertatibus et liberis consuetudinibus intra uillam et extra tenendam et habendam libere et quiete ab omni demanda et seruitio seculari salua Nicholao fratri meo et heredibus suis tercia parte dominici in predicta uilla quam pater meus ei dederat et concesserat tenendam de eisdem monachis pro quatuor annuis solidis pro omni seruitio saluo seruitio domini regis salua etiam Radulfo fratri meo et heredibus suis dimidia uirgata terre in eadem uilla quam pater meus ei concessit tenendam de predictis monachis reddendo eis annuatim unum par calcarium uel tres obolos et sciendum quod predictus Nicholaus frater meus concessit et dedit predictis monachis post decessum patris mei in puram et perpetuam elemosinam sex denarios annuos ad incrementum superius memorati redditus sui unde soluet eis de cetero in perpetuum ipse et heredes sui quatuor solidos et sex denarios ad duos terminos scilicet duos solidos et tres denarios ad festum sancti Michaelis et duos solidos et tres denarios ad Pascha Sciendum quoque quod predictus Radulfus frater meus habuit in eadem uilla de Fauflore alteram dimidiam uirgatam terre ex dono meo unde michi soluere tenebatur duodecim denarios annuatim pro omni seruitio saluo seruitio domini regis Et ego totum seruitium et homagium eiusdem Radulfi et heredum eius dedi et concessi abbati et monachis de Egnesham saluo seruitio domini regis unde idem Radulfus et heredes sui soluent in perpetuum monachis memoratis sex denarios ad festum sancti Michaelis et sex denarios et unum par calcarium uel tres obolos ad Pascha pro omni seruitio saluo seruitio domini regis Pro hac autem donacione concessione et confirmacione dederunt michi predicti monachi tres marcas argenti Et tam ego quam heredes mei predictam terram cum omnibus supra memoratis prefatis monachis warantizabimus contra omnes homines et feminas Quod si facere non potuerimus eis competens escambium in aliis tenementis nostris faciemus Et hoc fideliter obseruandum ego Willelmus pro me et heredibus meis affidaui Quod ut ratum sit et firmum presenti scripto sigillum meum apposui hiis testibus Willelmo Blundo Willelmo fratre domini abbatis Waltero capellano de Egnesham Nicholas de Auuers Petro de Watcot Hunfrido Duket Petro de Haywod Henrico de Lechton et multis aliis