Charter Document - 00910191
| Charter Number: | 00910191 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1213 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f48r) |
Charter:
Sciant presentes et futuri quod ego Robertus de Wycham pro salute mea et antecessorum meorum et heredum meorum ratam et gratam habeo et presenti carta pro me et heredibus meis in perpetuum confirmo donacionem et concessionem quam Thomas Caperun in perpetuam elemosinam fecit deo et ecclesie beate Marie Egneshamie et monachis ibidem deo seruientibus de omnibus terris et tenementis cum seruitiis et eschaetis et omnibus pertinentiis suis que ipse uel antecessores sui tenuerunt in uilla de Fauflore et in uilla de Uppewelle de feodo meo ita ut predicti monachi predictas terras et tenementa habeant teneant et possideant in perpetuum libere et quiete ab omni demanda consuetudine et seruitio seculari saluo seruitio domini regis ut nullus unquam heredum meorum uel heredum dicti Thome super hiis predictis memoratis monachis calumpniam mouere possit uel molestiam inferre Ut autem dicti Thome donatio et concessio et hec mea confirmatio perpetue firmitatis robur optineant presenti scripto sigilli mei apposicione communito id corroboraui Hiis testibus Radulfo filio Galfridi Willelmo filio Bald[ewini] Iohanne de Wlhaumton Roberto de Sydem Thoma de Berton Ricardo de Waltham clericis Sauarico de Walecote Iohanne ianitore Waltero Baret Auenello dispensatore et multis aliis