Charter Document - 00910188
| Charter Number: | 00910188 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1135 - 1150 |
| Date type: | Assigned |
| Resource Link(s): |
Bodleian Library - Christ Church MS 341 (f47v) |
Charter:
Walterus dei gracia abbas de Egnesham eiusdemque ecclesie conuentus totus uniuersis sancte ecclesie filiis ac fidelibus salutem Notum sit uobis et pro certo habeatur Willelmum Magnum Rodberti Magni filium calumpniam de Finestochia quam aduersus ecclesiam de Egnesham suscitauerat ex presenti nunc usque in sempiternum omnino remisisse et hoc fide firmasse unde et nos talionem ei reddentes concessimus ei et heredibus eius sibi inuicem succedentibus unam uirgatam de ipsa terra de nobis tenendam iure hereditario liberam et quietam ab omni consuetudine et seruitio et essartum quod ipse fecit Stephani regis assensu et nostro Testibus Rodberto de Terrauasta Osmundo sartore Gilleberto pincerna Nicholao et aliis quampluribus