Charter Document - 00910187
| Charter Number: | 00910187 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1213 - 1228 |
| Date type: | Assigned |
| Resource Link(s): |
Bodleian Library - Christ Church MS 341 (f47v) |
Charter:
Omnibus sancte matris ecclesie filiis ad quos presens scriptum peruenerit Willelmus de Diglesdune eternam in domino salutem Nouerit uniuersitas uestra quod cum seruicium quod ego et antecessores mei facere consueuimus abbatie de Eygnesham pro duabus hidis terre in Quentone per defectum Ricardi de Diglesdune fratris mei cui ego in hereditatem successi necnon et per defectum meum annis pluribus fuisset detentum ita ut ualentia eiusdem seruicii detenti summam excresceret quindecim marcarum ego metuens ex hoc periculum iminere anime mee et animabus antecessorum meorum qui memoratam terram minus racionabiliter fuerant assecuti per consilium amicorum meorum quicquid iuris ego uel heredes mei unquam habere potuimus uel nos habuisse credidimus in illis duabus hidis terre id totum deo et sancte Marie et monachis de Eygnesham liberum reddidi et quietum in perpetuum clamaui pro me et heredibus meis ita quod nec ego nec aliquis heredum meorum aliquod ius in eadem terra uel pertinentiis eiusdem uendicabimus uel uendicare poterimus idque presenti scripto sigilli mei appensione communito roboraui Pro hac autem quieta clamacione et huius carte mee confirmacione dominus Adam abbas Eygnesham dedit michi duas marcas argenti et uxori mee dimidiam marcam Hiis testibus Henrico de Traci Willelmo Blundo Philippo de Tudinton Roberto Bel magistro Iordano de Uigewana magistro Radulfo fratre eius Ricardo decano de Dumbeltune Galfrido de Aumari Gileberto Tailard Philippo de Muclinton et multis aliis