Charter Document - 00910172
| Charter Number: | 00910172 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1185 - 1195 |
| Date type: | Assigned |
| Resource Link(s): |
Bodleian Library - Christ Church MS 341 (f45r) |
Charter:
Sciant tam presentes quam futuri quod ego Radulfus Grant filius Ricardi Grant et Dionisia uxor mea concessimus et quietum clamauimus et presenti carta confirmauimus deo et sancte Marie de Egnesham et monachis ibidem deo seruientibus totum tenementum quod tenuimus de prefata ecclesia de Egnesham in uilla de Oxenefordia pro decem solidis et sex denariis predicte ecclesie reddendis quod tenementum tam ego quam predicta uxor mea Dionisia et mater mea Eluiua super magnum altare de Egnesham [posuimus] habendum et perpetuo possidendum integre libere et quiete ab omni seruitio ad nos pertinente exceptis duobus denariis annuatim nobis reddendis tam michi quam uxori mee Dionisie in festo sancte Marie in Martio quamdiu uixerimus Et pro hac concessione et quieta clamatione et presenti confirmatione Godefridus abbas et monachi eiusdem loci dederunt nobis xxvii marcas argenti et duas summas frumenti et uxori mee Dionisie xv solidos et iiii denarios His testibus Nigello decano Anfrido filio Ricardi Thoma filio Elrici Henrico filio Simeonis Roberto Chenne