Charter Document - 00910170
| Charter Number: | 00910170 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1182 - 1185 |
| Date type: | Assigned |
| Resource Link(s): |
Bodleian Library - Christ Church MS 341 (f44v) |
Charter:
Sciant tam presentes quam futuri quod ego Radulfus Grand filius Ricardi Grand et Eluiue de Oxenefordia dedi et concessi in perpetuam elemosinam deo et sancte Marie et monachis de Egnesham pro anima mea et antecessorum meorum tres solidatas redditus de duodecim solidatis redditus quas tenebat Nicholaus de Baillio de me in seldis de ipso eodem tenemento quod ego teneo de prefata ecclesia de Egnesham et pro hac donatione et concessione Godefridus abbas predicti monasterii et monachi dederunt michi ad sustentamentum uictus duas marcas argenti et uxori mee Dionisie xii d Hanc donationem et concessionem et confirmationem ego Radulfus Grand et uxor mea prefata Dionisia affidauimus tenendam in perpetuum et warantizandam et sigillo presenti confirmauimus et prefatum Nicholaum de Baillio de prefatis tribus sol[idatis] clamaui quietum sicut prius clamaui quietum de ix sol[idatis] eiusdem tenementi pro quibus ix sol[idatis] michi dederunt abbas et monachi sex marcas argenti et uxori mee xii d ut illis integre xii sol[idos] reddat sicut michi solebat ante reddere His testibus Nicholao clerico de Leuechenore magistro Roberto Aaron Roberto de Witefeld tunc uicecomite Radulfo de Cheisnei Ricardo de la Mara