Charter Document - 00910155
| Charter Number: | 00910155 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1190 |
| Date type: | Assigned |
| Resource Link(s): |
Bodleian Library - Christ Church MS 341 (f41v) |
Charter:
Uniuersis sancte matris ecclesie filiis tam presentibus quam futuris Alanus filius G[aufridi] de Estona eternam in domino salutem Uniuersitati uestre notum esse desidero quod pro salute mea et uxoris mee et liberorum meorum pro animabus etiam patris et matris et parentum meorum dedi et concessi deo et perpetue uirgini dei genitrici Marie et ecclesie de Egnesham in ecclesia de Estona que de mea donatione iure hereditario esse dinoscitur annuas quatuor marcas argenti a clericis in eadem personatum gerentibus de cetero annuatim percipiendas salua quidem donatione et representationis iure tam michi quam heredibus meis in posterum Huic etiam concessioni adieci quod donationem prefate ecclesie et residuum quod in manu mea et heredum meorum retinui in aliud collegium religionis non transferam nisi in monasterium de Egnesham et monachos ibidem deo seruientes Istud tam erga me quam omnes heredes meos in perpetuum firmiter obseruari precipio Uolo etiam ut singuli clerici quibus uel ego uel aliquis de heredibus meis sepedictam ecclesiam in posterum donauerit de predictis quatuor marcis ecclesie de Egnesham faciant fidelitatem His testibus magistro Nicholao de Leuechenora Henrico fratre meo ipsius ecclesie persona qui huic donationi mee consensit et annuam libram cere se daturum sepe dicte ecclesie annuatim promisit Gill[eberto] fratre meo magistro Chetel