Charter Document - 00910149
| Charter Number: | 00910149 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1190 |
| Date type: | Assigned |
| Resource Link(s): |
Bodleian Library - Christ Church MS 341 (f40v) |
Charter:
Sciant tam presentes quam futuri quod ego Godefridus dei gracia abbas Egneshamie totusque eiusdem loci conuentus concessimus et confirmauimus Willelmo Duzedeners et heredibus suis unam uirgatam terre quam habet in Histona exceptis quatuor acris quas amita sua Milida contulit deo et sancte Marie et monachis de Egnesham in elemosinam de nobis et de ecclesia nostra perpetuo iure feodealiter tenendam per tale seruitium quod infra comitatum de Cantebrigescire seruiet abbati et monachis propriis expensis extra comitatum seruiet expensis abbatis et monachorum et ad Pascha ad feriam sancti luonis reddet unam libram piperis et ipse Willelmus predictas quatuor acras optulit super magnum altare de Egnesham pro salute sua et omnium parentum suorum et quietas clamauit ab omni seruicio et exactione sicut puram et perpetuam elemosinam et ipse prefatus Willelmus prefatas acras foris iurauit et foris affidauit pro se et pro heredibus suis His testibus Petro decano de Histona Britio et Simone fratribus Alexandro et Petro nepote suo Thoma de Childele et Henrico filio suo Protasio