Charter Document - 00910148
| Charter Number: | 00910148 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1177 - 1182 |
| Date type: | Assigned |
| Resource Link(s): |
Bodleian Library - Christ Church MS 341 (f40r) |
Charter:
Notum sit omnibus tam presentibus quam futuris quod ego Hugo de Stau filius Iohannis de Bouilla dedi et concessi deo et ecclesie sancte Marie de Egnesham et monachis deo ibidem seruientibus unam uirgatam terre quam habui in uilla de Histona in liberam et perpetuam elemosinam cum hominibus in eadem uirgata terre manentibus scilicet Willelmo Bighe cum uxore sua et filiis et filiabus suis et Nicholao filio Hailbert Bighe cum matre sua et fratre et sorore sua cum catallis eorum pro anima patris mei Iohannis et matris mee Emme et omnium parentum meorum et pro salute mea et uxoris mee et filiorum meorum Et ego Hugo et heredes mei predictam terram debemus gwarantizare monachis prefatis et adquietare et defendere de omni seculari seruicio et exactione sicut liberam elemosinam Et propter hoc domnus Godefridus abbas de Egnesham et conuentus michi dederunt sex marcas argenti et dimidiam et uxori mee Haaline ii solidos et seniori filio meo Iohilaino xii d et aliis duobus filiis meis xii d Hanc conuentionem predictam ego Hugo affidaui tenendam firmissime et uxor mea et heres meus hoc idem affidauerunt tenendum His testibus Waltero filio Hugonis uicecomite de Chantebrscire Thoma de Childerl Reg[inaldo] de Childerl Reg[inaldo] Giffard Rogero filio Willelmi de Draiton