Charter Document - 00910137
| Charter Number: | 00910137 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1195 |
| Date type: | Assigned |
| Resource Link(s): |
Bodleian Library - Christ Church MS 341 (f38r) |
Charter:
Sciant tam presentes quam futuri quod ego Hugo de Druuallis consilio amicorum meorum concessi et presenti carta mea confirmaui donationem quam Thomas de Druuallis frater meus fecit deo et sancte Marie de Egnesham et monachis ibidem deo seruientibus uidelicet quoddam sartum iuxta Eppelhangar et quandam insulam proximam uille de Stoch[es] et seruicium quod Adam de Wdecote Thome fratri meo inde facere solebat in perpetuum possidendum et preter hec concessi et confirmaui predicte ecclesie et predictis monachis unam hidam terre de Garinges cum xxvii acris quam Willelmus de Druuallis auunculus meus dedit predicte ecclesie cum quodam filio suo Hugone uidelicet quem ibi monachum fecit quam etiam Thomas de Druuallis frater meus eidem ecclesie carta sua confirmauit et omnia que dederunt predictus Willelmus et Thomas eidem predicte ecclesie in bosco et plano et in pastura in aquis in introitibus et exitibus Hoc totum consilio et assensu hominum et amicorum meorum concessi et confirmaui et pro hac confirmatione Godefridus abbas eiusdem loci dedit michi tres marcas argenti His testibus Radulfo sacerdote de Stoch[es] Roberto de Witefeld Radulfo Waleis lukel filio Dauid