Charter Document - 00910129
| Charter Number: | 00910129 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1170 - 1188 |
| Date type: | Assigned |
| Resource Link(s): |
Bodleian Library - Christ Church MS 341 (f37r) |
Charter:
Notum sit tam presentibus quam futuris quod ego Thomas de Druualle statui diem abbati de Egnesham per breue domini regis de communi pastura de Garinges quam se iuste habere debere clamabat et habuisse in tempore regis Henrici aui regis Henrici secundi affirmabat Et statuto die per disratiotinationem suorum hominum et recognitionem meorum reddidi et concessi ecclesie de Egnesham predictam pasturam plenarie et perpetue in bosco et plano liberam et quietam ab omni exactione consuetudinis Et quia eam iniuste detinui et pro ea consuetudines iniuste exegi ut deo et predicte ecclesie inde satisfacerem grauam iuxta Eppelhangar et quandam insulam proximam uille de Stoches memorate ecclesie in elemosinam perpetuo iure concessi et seruicium quod Adam de Wdecote michi pro eadem graua et insula facere solebat Hoc totum consilio et assensu hominum et amicorum meorum feci His testibus Radulfo Waleis Hugone filio Osberti Hugone filio Rich[eri] Petro de Hucchend Willelmo milite