Charter Document - 00910121
| Charter Number: | 00910121 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1178 - 1186 |
| Date type: | Assigned |
| Resource Link(s): |
Bodleian Library - Christ Church MS 341 (f35v) |
Charter:
Uniuersis sancte matris ecclesie filiis Radulfus de Diua prior fratrum hospitalis Ier[usa]lem in Anglia salutem Nouerit uniuersitas uestra controuersiam super ecclesia de Merstona inter nos et abbatem de Egnesham et priorem de Dunestapl diu uentilatam tali fine conquieuisse quod ego communi assensu et consilio fratrum tocius capituli nostri dedi et concessi ecclesie sancte Marie de Egnesham et monachis ibidem deo seruientibus unius marce redditum in Oxenefordia perpetuo iure et libere et inconcusse tenendum uidelicet terram illam quam Robertus de Oili predictis fratribus hospitalis donauerat et predictus abbas et monachi medietatem ecclesie de Merstona de qua lis fuerat nobis assignauerunt et concesserunt et pro posse suo auctoritatem pr[est]abunt Conuenit quidem inter nos hac adiecta conditione quod ecclesia de Egnesham prefatum redditum unius marce non amittet licet aliquid sinistrum nobis de ecclesia illa forte contingat Hoc etiam adiectum est in conuentione quod si sepe dictus abbas de Egnesham et monachi prefatum redditum unius marce per potentiam alicuius aut aliqua ui maiore amiserint prefati fratres de hospitali alibi tantumdem redditus prefato monasterio dabunt et concedent Hec conuentio facta est coram domino Gilleberto tunc Londiniensi episcopo iudice inter nos constituto presente etiam domino Roberto tunc Herefordensi episcopo Radulfo archidiacono Colecestrie magistro Ricardo de Storteforde magistro Henrico de Norhamton