Charter Document - 00910107
| Charter Number: | 00910107 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1170 - 1175 |
| Date type: | Assigned |
| Resource Link(s): |
Bodleian Library - Christ Church MS 341 (f32v) |
Charter:
Notum sit omnibus tam futuris quam presentibus quod ego Walchelinus Hareng pro salute anime mee et uxoris mee omniumque antecessorum et propinquorum meorum dedi et concessi et presenti carta mea confirmaui deo et monachis ecclesie sancte Marie de Egnesham duas uirgatas terre in uilla de Nortona in escambio duarum uirgatarum terre quas mater mea Helewisa eisdem monachis ante donauerat et concesserat unam in uilla de Tropa et aliam in Wdeatona cum eisdem libertatibus et liberis consuetudinibus quas mater mea eisdem uirgatis concesserat scilicet ut istas duas uirgatas de Nortona bene et in pace et honorifice in bosco et in plano in campis et pasturis et pratis solidas et quietas et ab omnibus exactionibus et secularibus consuetudinibus et seruiciis forinsecis liberas in perpetuam elemosinam prefati monachi teneant quoniam ego illas in omnibus manutenebo et contra omnes defendam excepto annuali regis geldo Et pro huius concessione libertatis et conuentione escambii Godefridus abbas prefate ecclesie duas marcas argenti michi donauit Facta est autem hec conuentio escambii in comitatu Oxenefordie coram Adelardo Banastre tunc uicecomite His testibus predicto Adelardo uicecomite Willelmo filio Baldewini Philippo de Hamtona Stephano et Iacobo filiis eius