Charter Document - 00910105
| Charter Number: | 00910105 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1170 - 1190 |
| Date type: | Assigned |
| Resource Link(s): |
Bodleian Library - Christ Church MS 341 (f32v) |
Charter:
Notum sit tam presentibus quam futuris quod ego Walchelinus Harang dedi et concessi pro salute anime mee et antecessorum et omnium parentum meorum et pro salute domini mei Bernardi et uxoris eius et filiorum eius deo et ecclesie sancte Marie de Egnesham et monachis ibidem deo seruientibus uillam meam que dicitur Wdeatona cum omnibus pertinentiis suis liberam et quietam habendam et possidendam in perpetuam elemosinam saluo seruicio domini regis et domini mei Bernardi Sed hanc prefatam uillam dedi Ide uxori mee in dotem quam amodo de monachis tenebit quamdiu uixerit reddendo ipsis monachis singulis annis unum aureum post cuius decessum integra et quieta ad monachos reuertetur Et ut ista donatio firma et rata habeatur hanc cartam sigilli mei impressione roboraui His testibus magistro Nicholao Ida uxore mea Alexandro presbitero Willelmo de Aca Willelmo Hosteler Ricardo filio Hugonis